كلمات اغنية آه لو تعرف نجاة الصغيرة
آه لو تعرف يا حبيب قلبي وانت معايا بحس بإيه
خلي شوية لبكره يا قلبي الحب ده مقدرش عليه
بص في قلبي يا عيون قلبي
شوف كام حاجة بتتمناك
فرحة و شوق و أماني كبيرة و ليالي حب بتستناك
بحبك حب خلاني بخاف من فرحتي جنبك
يشوفها حد يحسدها و يحسدني على حبك
وبحبك حب يا ويلي يا ويلي يا ويلي منه
مسهرني محيرني وروحي فيه
وبحبك حب يا ويلي يا ويلي ويلي
مدوبني وحبيته وخدت عليه
آه لو تعرف يا حبيب قلبي وانت معايا بحس بإيه
خلي شوية لبكره يا قلبي الحب ده مقدرش عليه
يا أغلى حاجة ليا وليا مين غير قلبك انت
يا أجمل حاجة فيا وفيا ايه غير حبك انت
شفايفي لما اجيب سيرتك بيحلو الكلام فيهم
عينيا كل ما بشوفك بحب اسهر لياليهم
مين يوم ما عرفتك والدنيا لها طعم جديد
والجنة اللي بيحكوا عنها مبقتش بعيد
كل غنوة حب فيها حاجة منك
كل نسمة فجر بتكلمني عنك
كل شيء بيهون عليا مادام بحبك
آه لو تعرف يا حبيب قلبي وانت معايا بحس بإيه
خلي شوية لبكره يا قلبي الحب ده مقدرش عليه
المشاركات
